|
|
Landwirt Forum
Forumsbeiträge suchen
Es sind 13214 Diskussionen online
Neues Jahr ....
|
|
Name: palme 01-01-2008 16:50 |
 |
Tagebuch
|
Neues Jahr ....
Es is hoalt soweit , a neich´s Joahr is wieda doa,
da oahne is trauri , da aundari recht froah
und ma wünsch´t si hoalt daß, recht vül Glück wieder bringt,
und das in dem Neichen ,ois guat wieda gelingt .
Weil in so mauncha Familie doa bleibt a Ploatz für immer leer
denn da Voater oder die Muata, sie san nimmer mehr,
joa sie san va uns gaung´a in a aundani Welt
dort wo die Liab nur mehr zählt, und nimmer des Geld.
Wo aunder´s hoalt wieda sitzen´s beisaummen mit Freid
joa weil hoalt a kloan´s Kind va da Wiag´n aussa schreit,
a so a Kind des hoalt oft a Familie erst zaum
weil Jung und a Oalt , a recht´i Freid damit haum.
An aundan hoalt wieda hoat des Schicksal hoart troffa
er hoat hoalt koan Kroaft mehr , er kaun nimma hoffa
joa er is gauns verzweifelt ,und kaun´s net verstehn
woarum muaß ois a so kemma, woarum muaß eam a so gehn.
Und an aundan hoalt wieda hoat des Glück voast darennt
weil er hoalt a schon , sei aller Herzliabste kennt
er denkt nur mehr an Zukunft in diesem Joahr
daß er hoalt sein Schatz daun ,hinführt zum Altoar.
A so kaun hoalt des Leb´n, recht verschieden oft sein
für den oan wird´s za da Ploag ,und den aundan tuat´s gfrein
oaba doa kaun ma nix moacha, ma muaß nehma wiaß kimmt,
wei es is hoalt so maunches gauns einfach so bestimmt.
Und a so wünsch i hoalt oallen, a recht a Guates Joahr
vieleicht wird´s nu bessa wir des oalte hoalt a so woar
Gesundheit , Frieden und recht vül Glück hoalt dazua
des wünsch i eng va Herzen und meine Griaß nu dazua !!!!
Verfasser :( meine Wenigkeit )
|
|
|
Name: helmar antwortet um 01-01-2008 19:03 auf diesen Beitrag |
|
Tagebuch
|
Neues Jahr ....
Respekt, Palme, sehr gut..........im Dialekt zu schreiben ist gar nicht so einfach, aber darf ich fragen aus welcher Gegend?
Mfg, helmar
|
|
|
Name: palme antwortet um 01-01-2008 21:44 auf diesen Beitrag |
|
Tagebuch
|
Neues Jahr ....
Ich bin aus O.Ö. Unteres Mühlviertel .. ..Danke für dein Lob...
Aber dein Gedicht ist eine super Leistung , aus dem Leben geschrieben wie es ist !
MfG , palme
|
|
|
|
|
